Kryetari i Inspektoratit të Lartë të Deklarimit dhe Kontrollit të Pasurive dhe Konfliktit të Interesave (ILDKPKI) Shkëlqim Ganaj ka raportuar sot në Komisionin e Ligjeve për vitin 2017. Ai u shpreh se institucioni ka pasur një ngarkesë të madhe, pasi ka punuar për kontrollin e pasurisë së gjyqtarëve dhe prokurorëve, që po kalojnë në Vetting. Për 2017, ai tha se janë 300 zyrtarë që janë kapur me shkelje nga 7 mijë deklarata që janë plotësuar.
Puna kryesore në 2017 ka qenë kontrolli i Jemi përballur me një ngarkesë shumë të madhe, për raportet për gjyqtarët dhe prokurorët që po kalojnë në vetting. Në 2017 janë plotësuar 7 mijë deklarata, janë vendosur 440 masa administrative, 300 zyrtarë me shkelje të ligjit, janë referuar në organet kompetente 32 zyrtarë.
Shkëlqim Ganaj
Referuar bllokimit të Gjykatës Kushtetuese, pasi anëtarët i kapi vetingu, kryetari i ILDKPKI u shpreh se me këtë ritëm vitin tjetër nuk do të kemi as gjykatë Apeli.
Gjyqtarët e Apelit kanë problemet më të mëdha. Vitin tjetër do të jemi edhe pa gjykatë Apeli me këtë trend
Shkëlqim Ganaj
Një problem që ka dalë në pah në muajt e fundit lidhet me gjetjet e ILDKPKI, që ka prezantuar Komisioni i Pavarur i Kualifikimit. Edhe pse ILDKPKI i nxirrte subjektet në rregull me pasurinë, KPK pjesës më të madhe u ka gjetur shkelje. Por si shpjegohet një gjë e tillë nga Shkëlqim Ganaj? Ai tha se fajin për një gjë të tillë e ka ligji, pasi nuk i jep akses të plotë për të kontrolluar.
ILDKPKI është i kufizuar, qoftë edhe në sistemin TIMS, ne kemi akses në banka, hipoteka dhe takime dhe këtu mbyllet historia jonë. Ndërsa Vettingu ka akses më të madh në kompetenca dhe kohë.