TIRANE-Eksperti i ekonomisë në Partinë Demokratike, Dorjan Teliti i kërkon qeverisë që të anulojë koncesionet në mënyrë që të ndihmojë biznesin e madh, pasi sipas tij garancia sovrane nuk e zgjidh problemin, madje e komplikon. Teliti akuzon se kushtet e qeverisë që biznesi të përfitojë nga kredia me garanci sovrane e vështirësojnë marrjen e kredisë për pagat e punonjësve. Sipas tij, vendimi ka vendosur më shumë kufizime sesa lehtësi dhe ka të njëjtat kushte si kreditë tregtare. "Edi Rama duhet të sakrifikojë koncesionet dhe PPP për te ndihmuar biznesin që të mos mbyllë vendet e punës" thotë ai.