Gjilan/Kosovë, efektivja e policisë vret 4 anëtarë të familjes dhe veten, ende të panjohura shkaqet

18 Shkurt, 14:08

Një ngarje e rëndë ka ndodhur para pak minutash në Gjilan të Kosovës.

Sipas autoriteteve policore dhe ato të Prokurorisë, një zyrtare e policisë së Kosovës ka vrarë katër anëtarë të familjes dhe më pas veten

Dyshohet se fillimisht ajo ka vrarë prindërit, dy vëllezërit dhe pastaj ka kryer vetëvrasje.

Komunikata e plotë:

Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje. Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje. Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë.

Kategori të tjera