Një grabitje me arme zjarri ka ndodhur në një argjendari në Vlorë pranë shkollës "Ismali Qemali". Ngjarja ka ndodhur paraditen e sotme ku një person i maskuar me syze dhe kapele nën kërcënimin e një shootgun që kishin me vete arriti të merrnin disa bizhuteri me vlerë duke i futur në një çantë.
Fillimisht autori ka qëlluar 2-3 herë me plumba manovër në ajër duke trembur banorët në zonë dhe punonjësit e argjendarisë dhe më pas ka kryer grabitjen.Policia e cila ndodhej në zonë për shkak se në shkollën "Ismali Qemali" ndodhen KZAZ për numërimin e votave të kandidatëve kanë ndërhyrë direkt duke bërë të mundur që autori të arrestohet menjëherë, ndërsa në vendin e ngjarjes u hodh shootgun-i dhe çanta me florinj. Në pranga ka rënë Martin Kapllanaj, ndërsa policia ka vendosur perimetrin e sigurisë në vendin e ngjarjes dhe vijojnë hetimet për zbardhjen e plotë të ngjarjes.