Deputetja Rudina Hajdari e ka akuzuar kryeministrin Edi Rama se në 7 vite të qeverisjes së tij, Shqipëria ka lulëzuar nga krimi dhe droga.
"Nuk e di nëse janë ndërhyrjet ruse që ju kanë zbrazur por në këto 7 vite krimi në Shqipëri ka lulëzuar. Në Shkodër bandat janë kthyer në makthin e shkodranëve. Ku keni qenë këto 7 vite kur Elbasani u shndërrua për përpunimin e drogës. Po Porti i Durrësit pika kryesore ku sot vjen droga nga Kolumbia, Ekuadori. Ku keni qenë që thoni se vendi jonë nuk ka pasur kanabis. E keni mohuar vetë dhe sot përmendët organizatat mafioze që ju i keni kthyer në më të rrezikshmen në Europë. Fieri ishte ndër ato që kontrollohej nga bandat. Ku po shkojnë këto para. Në Tiranë është bërë masakër", tha Hajdari.