Duket se në Kurbin, partia është si feja. Nuk ka ngjyrë, origjinë, por mbi të gjitha as moshë. Teksa kryeministri Edi Rama po fliste në Kurbin për situatën politike, një zë nga salla dëgjohet me të madhe: "Edi Rama". Ishte një zë i ëmbël, i ndryshëm nga të gjithë të tjerët...një zë fëmije i cili nuk kaloi pa u vërë re nga kryeministri Edi Rama. "Hë o shpirt", iu përgjigj ai, duke lënë pas për një moment atë retorikë politike, e duke e shndërruar atë në momentin më të ëmbël të këtij takimi.