Një ish-këshilltar bashkiat në Lezhë ka humbur jetën për shkak të koronavirusit në New York të Shteteve të Bashkuara të Amerikës. Bëhet fjalë për Agron Vrajan i cili fatkeqësisht nuk e ka fituar dot luftën me COVID-19, duke shtuar numrat e fataliteteve në radhët e shqiptarëve.
Vraja nuk mundi ta shijonte dot sa duhej udhëtimin e tij në SHBA pasi kishte vetëm dy muaj që kishte shkuar atje për të vizituar djalin që e kishte me studime. Fatkeqësisht si pasojë e kësaj ndodhi edhe infektimi me COVID-19.
Vraja ishte 51 vjeç dhe baba i dy fëmijëve, ndërsa së fundmi punonte si specialist pranë këshillit bashkiat të Lezhës. Lajmi për humbjen e jetës është bërë publik nga miq të tij në rrjetet sociale të cilët kanë shprehur edhe dhimbjen për ndarjen para kohe me këtë botë.
Vraja punoi si këshilltar në bashkinë e Lezhës dhe ishte drejtues i partisë Demokracia Sociale.