Një 33-vjeçar është arrestuar nga policia e Korçës pasi është kapur në flagrancë duke vjedhur një pikturë në një banesë, ndërkohë që më pas është dokumentuar se Erion Berberi banues në Korçë, është autor edhe i 16 vjedhjeve të ndodhura në tre muajt e fundit në qytetin juglindor.
Autori i këtyre ngjarjeve ishte i dënuar më parë për vjedhje, ndërsa ai përgjithësisht grabiste piktura me vlerë, sasi lekësh dhe orendi e pajisje shtëpiake. Gjithashtu raportohet se Berberi vidhte edhe dyqane e lokale, ndërsa ka tentuar të vjedhë edhe kishën e Shën Sotirit në lagjen numër 1.
Konkretisht 33-vjeçari që u ka duke vjedhur në shtëpinë e shtetasit V. T dyshohet edhe për këto vjedhje:
- Në lagjen nr. 3, është vjedhur banesa e shtetases V. M.
- Në lagjen nr. 10, është vjedhur banesa e shtetasit J. Ç.
- Në lagjen nr. 12, janë tentuar të vidhen 4 banesa; është vjedhur banesa e shtetasit M. K., dhe dyqani i shtetasit K. B.
- Në lagjen nr. 17, është vjedhur lokali i shtetasit A. Xh.
- Në lagjen nr. 18, është vjedhur lokali i shtetasit Sh. G., banesa e shtetasve L. G; Ll. P; dhe A. Ç; është tentuar të vidhet banesa e shtetasit Dh. G; dhe është vjedhur dyqani i shtetasit I. C.
- Në lagjen nr. 1, është tentuar të vidhet një objekt kulti.
Në cilësinë e provës materiale u sekuestruan piktura me vlerë dhe sende të tjera të vjedhura.
Materialet i kaluan Prokurorisë së Rrethit Gjyqësor Korçë për veprën penale "Vjedhja, e kryer më shumë se një herë".