Kampioni evropian i Atletikës Izmir Smajlaj është zhgënjyer nga nga pjesëmarrja e tij në kampionatin që po mbahet në Gjermani.
Me anë të një statusi në Facebook, Smajlaj akuzon për manipulime në rezultat, në kërcimin e tij të tretë duke u shprehur se ka bërë denoncimet e duhura për rastin.
Në garat e zhvilluara në Gjermani, Smajlaj ka arritur të sigurojë vendin e gjashtë.
Denoncimi i plotë i Smajlajt:
Te nderuar miq,
Si fillim dua tiu falenderoj per mbeshtetjen e vemendjen qe me kushtuat keto 2 dite ne garen time kualifikuese dhe finale. Por, me vjen keq qe dhe ne “Kampionatin Europian” te zhvilluar ne Berlin, te kete manipulime ne rezultat ( mund te shikoni videon per te pare te verteten e kercimit te 3-te i cili u deklarua 7,47m e me pas ma dhane 7,73m, duke mos qene te verteta asnje prej tyre ).
Ky gabim teper i rende dhe teper i qarte per te gjithe, me demtoj imazhin tim si Kampion Europian i sallave te mbyllura aktual, si dhe me demtoj moralisht qe te isha ne zonen e medaljeve kete vit. Une, si atlet dhe bashke me “Federaten Shqiptare te Atletikes”, kemi denoncuar kete rast ne institucionet perkatese si ne IAAF, dhe gjate kohes po behen verifikimet e duhura. Shpresoj me te miren!
Ju falenderoj e ju premtoj qe ne vazhdim do te ngjitem ne podium ne cdo kampionat per te nderuar Shqiperine dhe shqiptaret.