Një ngjarje e rëndë ka ndodhur në autostradën Vlorë-Levan, ku një automjet tip 'Ford' me targa 'AA 313 DG' është përfshirë nga flakët dhe si pasojë është shkrumbuar e gjitha.
Makina ishte marrë me qira në qytetin e fierit nga një person i huaj dhe së bashku me të udhëtonte edhe një person tjetër. Pas disa kilometarsh larg në afërsi të Vlorës, është vënë re edhe një shkëndijë në pjesën e përparme të makinës. Më pas brenda një kohe farë të shkurtër makina është djegur plotësisht.
Dy personat që ishin në makinë nuk janë plagosur përveç një dëmtimi të lehtë në krah të pasagjerit në përpjekje për të shuar zjarrin.
Ndërkohë zjarrfikësit kanë shkuar në vendin e ngjarjes megjithatë nuk kanë mundur të shpëtojnë asgjë nga makina përveç strukturës metalike.