VLORË- Një ngjarje e rëndë ka ndodhur mëngjesin e sotëm në qytetin e Vlorës, ku një makinë ka shpërthyer pasi i kishin vënë lëndë plasëse. Ngjarja ka ndodhur në rrugën '28 nëntori' rreth orës 2:50 të mëngjesit të sotëm. Makina ka pësuar dëme të konsiderueshme ndërsa në momentin e shpërthimit ka qenë e parkuar para derës së një banese.
Burime për Report Tv, bëjnë me dije se makina i përket një prokurori në Vlorë.
Ndërkohë policia ka shkuar në vendin e ngjarjes dhe ka rrethuar skenën e ngjarjes. Ndërkohë një grup hetimor po punon për zbardhje e plotë të kësaj ngjarje.