Me 61 vota pro, 24 vota kundër dhe 1 abstenim, në Kuvendin e Kosovës është votuar Qeveria e koalicionit LDK-AAK-Nisma-minoritetet, me kryeministër Avdullah Hotin e Lidhjes Demokratike të Kosovës. Seanca u drejtua nga Kujtim Shala, nënkryetar i Kuvendit nga radhët e LDK’së. Në Kuvend mungonte i gjithë Grupi Parlamentar i Lëvizjës Vetëvendosje. Qeveria me në krye Albin Kurtin u rrëzua pas mocionit të mosbesimit që erdhi si rrjedhojë e shkarkimit të Agim Veliut nga posti i Ministrit të Punëve të Brendshme.