Interi ngre kokë. Zikaltërit fillimisht panë fantazma por më pas e përmbysën rezultatin dhe mposhtën 3-1 Torinon në ndeshjen e fundit të javës së 32-të dhe ngjiten në vend të dytë.Miqtë kaluan në avantazh me Belotti-n pas gafës së Handanovic por në pjesën e dytë djemtë e Contes përmbysën gjithçka brenda dy minutave. Fillimisht barazoi Ashley Young pas një pasimi nga Lautaro dhe menjëherë erdhi edhe goli i avantazhit i shënuar nga mbrojtësi Diego Godin që riktheu duelin në rrugën e duhur për vendasit më pas Lautaro Martinez shënoi edhe vet dhe mbylli llogaritë për tripikëshin final. Conte rikthehet të buzëqeshë ndërsa Torino mbetet në zonën e ftohtë.
Vjen edhe simfonia e 9-të dhe Real Madrid është vetëm një fitore larg titullit kampion në La Liga. Mbrëmë madrilenët mposhtën 2-1 Granadan duke bërë një pjesë të parë shumë të mirë ku realizuan edhe dy herë me Mendy dhe Benzema ndërsa vuajtën në fraksionin e dytë. Machis ngushtoi diferencën por Los Blancos e mbajtën fitoren dhe nëse marrin tri pikë të enjen ndaj Villarreal janë kampion.