Iu dëmtua lokali gjatë sherrit mes tifozëve të Partizanit e Tiranës, pronari: Dua dëmshpërblim

22 Janar 2021, 14:15 | Përditesimi i fundit: 2021-01-22 14:16:06

Pronari i lokalit i cili u dëmtua përplasja e mes tifozëve të Partizanit dhe Tiranës, Astrit Mahmuti shprehet për Report Tv se dëmet janë të shumta. Teksa kërkon dëmshpërblim, Mahmuti shprehet se dëmi shkon në vlerën 300 mijë lekë të reja.

“Për dëmin erdhën organet kompetente, morën një procesverbal. Kishin ndaluar dy tifozë por janë pak pasi ishin 70-80 veta. Dëmi që është bërë si biznes është i madh, nuk e di se ku e gjej zgjidhjen. Pjesa më e rëndësishme është që ne nuk duhet tja marrim jetën njëri-tjetrit. Sporti bashkon, nuk ndan. Familja është tronditur jashtëzakonisht, kam qenë me nusen dhe fëmijët, dëmi përllogaritet rreth 300 mijë lekë të reja. Këto duan të imitojnë huliganët e huaj. Jam i shqetësuar shumë. Unë kërkoj që të jepet fund këtyre sjelljeve, dënimi të jetë maksimal. Ata janë rrahur barbarisht” – tha Mahmuti.