LEZHË- Banorët e lagjes "Varosh" në hyrje të Lezhës përballen çdo ditë me pamjen e shëmtuar dhe erën e rëndë. Ujerat e zeza kanë dalë në sipërfaqe, si shkak i degradimit të infrastrukturës nën tokësore. Kjo situatë vijon prej shumë kohësh duke u kthyer në kërcënim serioz për shëndetin e qyterarëve. Pavarësisht ankesave të vazhdueshme asnjë masë nuk është marrë për ti dhënë zgjidhje kanalizimeve. Problematika të tjera në këtë lagje janë mungesa e ndriçimit dhe rrëshqitja e vazhdueshme e gurëve nga kodra. Ndërtimet e reja kanë shtuar numrin e popullsisë në këtë zonë, ndërsa nuk është ndërhyrë nga bashkia për zgjerimin e rrjetit të kanalizimeve.