Juventusi tregon se titulli edhe këtë sezon do të vishet bardhezi. Kampionët në fuqi bëjnë prova arratie në kryesimin e Serisë A pasi shkëputen me 7 pikë nga Lazio i vendit të dytë. Në ndeshjen e parë të javës së 28-të skuadra nga Torino vuajti për një pjesë loje ndaj Lecce-s por më pas bëri goleadë dhe fitoi 4-0 duke siguruar tre pikët e radhës. Lucioni i miqve u ndëshkua me karton të kuq që në minutën e 31-të dhe ky ishte episodi që ndryshoi takimin.