Kandidimi i Veliajt/ Malaj: Duhet të ketë rivalë seriozë, modeli i qeverisjes së Bashkisë Tiranë, arrogant

21 Janar, 21:39

Ish-ministri i Financave në qeverinë Nano, Arben Malaj, i ftuar në emisionin “5 pyetjet nga Babaramo”, ka thënë se kryetari aktual i Bashkisë Tiranë, Erion Veliaj, duhet të garojë me kandidatë seriozë përballë tij.

Veliaj duhet të kandidohet me kandidatë seriozë përballë tij. Ekspozohet përballë një rrisku të madh korruptues. Një biznesmen ka target që të ketë akses edhe tek ai që është ministër dhe kryeministër. Duhet të bëjnë kujdes për ambiciet që ka. Duhet të konkurrohet në mënyrë serioze. Bashkia Tiranë është problem me modelin e qeverisjes, që është një model arrogant. Me gjoba, shkatërron perime të njerëzve të varfër. Këto janë qëndrime të miat që janë koherente. Rasti i Astirit, ç’është kjo ngjarje kaq e madhe, që 300 familje duhet të lëvizin nga familjet e tyre. Ku është ndjesia njerëzore. E di çdo të thotë për një fëmijë që të jetë në ankth dhe në presion që do të trashëgohen. Po pse s’fillon dot më vonë? Le të rritet fluksi…S’ka humanizëm.

Arben Malaj, ish-ministër në qeverinë Nano

Kategori të tjera