Pandemia mbylli me dhjetëra biznese në vend, por nuk ndali ndërtimet edhe për faktin se ishte një nga sektorët e vetëm të ekonomisë që nuk e ndali punën. Periudha Prill-Qershor edhe pse ishte faza më e vështirë e situatës ekonomike në vend për shkak të karantinës, përsëri ka shënuar një rritje të numrit të lejeve të dhëna krahasuar me tremujorin e parë të vitit.
Sipas të dhënave të INSTAT në tremujorin e dytë të vitit janë dhënë 209 leje ndërtimi, nga 184 leje që u dhanë në tremujorin e parë të vitit . Pavarësisht kësaj rritje në këtë periudhë në raport me vitin 2019 lejet e dhëna kanë pësuar rënie prej 38,3 %.