TIRANE - Ish-kryetarja e parlamentit dhe një nga zërat më të rëndësishëm në PD, Jozefina Topalli ka akuzuar kryedemokratin Lulzim Basha se e ka kthyer partinë një biznes personal pas disa humbjes radhazi, dhe pasi la vendin pa opozitë. Topalli sjell një deklaratë të bërë nga Basha ku thotë se do të mbajë përgjegjësi personale për listën e PD në zgjedhje, duke e ironizuar këtë të fundit me fjalimet në kuvend të Majlinda Halilajt, Kujtim Gjuzit dhe Kostaq Papës. Ajo thotë se me një drejtim të ri të PD, Rama rrëzohet në pak muaj dhe vendi çlirohet nga 4 persona, të cilët i quan partnerë të tij, që siç ajo thotë, e mbajnë peng atë.
"Humbi sa herë hyri ne zgjedhje,qe kur u shpall kryetar i PD, la vendin pa opozite, beri PD ( Partine e endrrave ) karneval, tradhetoi demokratet duke djeg mandatet e parlamentit, i dhuroi Rames te gjitha bashkite dhe keshillat bashkiak, shpalli vetengrirjen dhe vrau voten ne partine, qe solli lirine e votes, zboi themelues, qendrestare, autoritete e kontribues, shpartalloi cdo strukture te partise te ngritur me sakrifica titanike, premtoi se nuk do lejonte zgjedhje me 30 qershor dhe beri sikur e harroj, premtoi se nuk do dorezonte bashkite dhe i leshoi pa asnje problem, premtoi se do kishte zgjedhje me 13 tetor meqe kishte fitu me 85% ..dhe beri sikur se mbante mend; premtoi ne cader se s ka zgjedhje me Ramen dhe hyri ne qeveri me Ramen kryeminister, i doli zot listes se tij private , tha se mbante totalisht pergjegjesi dhe tani ben sikur ia kane sjell mga marsi.
Ktheu partine ne biznes te familjes...
Boll eshte boll!
Me nje drejtim te ri te Partise Demokratike , Rama rrezohet per pak muaj, e vendi clirohet nga 4 vete ( partnere te tij) qe e mbajne peng", shkruan Topalli.