Emisioni Repolitix trajtoi sot situatën epidemiologjike në vend , debatin për teatrin dhe sezonin turistik në kohë pandemia. Në pjesën e parë në një lidhje me skype epidemiologu Dritan Ulqinaku tha se ështe e pritshme një valë e dytë koronavirusi në vjeshtë. Ndërsa në një tjetër lidhje me skype nga Moska, stuedentja e Letërsisë Xhoi Cela bëri një apel për 150 studentë e mbetur në Rusi pas mbylljes së kufijve. Apeli i tyre ndaj qeverisë është t’u mundësohet kthimi në atdhe. Pjesa e tretë e emisionit ’Repolitix’, vijoi me debatin për Teatrin. Kjo çështje që ndezi sërish polemika në një studio televizive bërë që aktori Laert Vasili, i cili është pro ndërtimin të një godine të re të lë transmetimin gjatë një lidhjes me skype. Gjithçka nisi pas akuzave dhe kundër-akuzave mes tij dhe përfaqësuesit të Aleanca për Mbrojtjen e Teatrit, Ergys Mërtiri. aq ka mjaftuar që Vasili të paralajmëronte se do të largohej duke lënë transmetimin. Në pjesën e tretë dhe të fundit, Ministri i Turizmit Klosi përballë gazetarëve të Report TV nga Vlora dhe Durrësi, duke folur për turizmin kërkoi nga qytetarët të denoncojnë rastet kur hasin fatura të kripura në bregdet. Përsa i përket mbeturinave në lumenj, pranoi dështimin e shtetit, ndërsa tha se ka ardhur koha të reagojë menjëherë. Emisionin "Repolitix" me moderator Denis Mingën mund ta ndiqni çdo të martë dhe të mërkurë në orën 20:55 në ekranin e Report Tv