Kur kanë ngelur vetëm pak ditë nga Krishtlindjet, Andrea Bocelli së bashku me vajzën e tij Virginia kanë interpretuar këngën 'Hallelujah'. Performanca e Bocellit më të bijën ishte gjatë koncertit 'Beso në Krishtlindje', transmetuar në tërë globin nga Teatro Regio di Parma. Tenori mori kitarën e tij për të kënduar së bashku me Virginia, vajzën e tij 8-vjeçare. Eventi u mbajt nën drejtimin artistik të Franco Dragone dhe është parë në mbi 100 vende të botës. Midis të ftuarve ishin Zucchero, Cecilia Bartoli, Clara Barbier Serrano dhe Anastasiya Petryshak.