KORÇË- Një aksident rrugor është regjistruar pasditen e sotme, si pasojë kanë mbetur të plagosur dy këmbësorë.
Siç raporton gazetarja e Report Tv, Gladiola Hoxha, dy këmbësorët A.R., 19 vjeçe dhe P.N., 10 vjeçe kanë qenë duke kaluar rrugën, teksa janë përplasur nga një automjet, i cili shërben për transportin e udhëtarëve Korçë- Bilisht.
Nga dyshimet paraprake, mendohet se shkak i aksidentit ka qenë shpejtësia tej normale të lejuara. Dy këmbësorët janë transportuar në spitalin rajonal të Korçës, ku ndodhen jashtë rrezikut për jetën.
Drejtuesi i mjetit ndodhet i shoqëruar në ambientet e Komisariatit, ku po kryen veprimet e mëtejshme procedurale. Report Tv sjell video nga vendi i ngjarjes, ku shihet automjeti i përfshirë në aksident.