LAÇ- Teksa koronavirusi ka prekur edhe Shqipërinë, në qytetin e Laçit vijon të mungojë spitali, pasi godina u dëmtua nga tërmeti i 26 nëntorit. Në këto kushte urgjenca e improvizuar pranë një qendre bamirësie është vënë në gatishmëri, për të përballuar situatën që mund të krijohet.
Mjeku i Urgjencës Agron Lala thotë se gjatë ditëve të fundit ka patur fluks pacientësh që kanë kërkuar ndihmë mjekësore në urgjencë, por fatmirësisht nuk janë regjistruar raste të dyshuara me koronavirus.Janë mbi 60 mijë banorë të Kurbinit që kanë ngelur pa shërbim spitalor prej më shumë se 3 muajsh, ndërsa zgjidhja e këtij problemi duket ende larg, pasi godina e spitalit ende nuk është shembur për t'i hapur rrugë rindërtimit.