Kryemadhi takim me bizneset e vogla, paralajmëron Ramën: Gjatë javës do të denoncoj një tjetër skemë financiare abuzimi

6 Mars, 16:22

#reportTV #lajmeshqip #lajme Kryetarja e LSI Monika Kryemadhi mëngjesin e sotëm ka vizituar disa biznese të vogla në Njësinë numër 5 Tiranë. Kryemadhi theksoi gjatë takimi me tregtarët se marketi i vogël është për mbijetesë, pasi taksat janë rritur në mënyrë stratosferike. Po ashtu kryetarja e LSI-së paralajmëroi se javën e ardhshme do të tregojë sesi është vjedhur haptas me një skemë financiare të tmerrshme që menaxhohet drejtpërsëdrejti nga Edi Rama. Kryemadhi: Marketi i vogël është mbijetesë dhe ndihmon një familje. Në fakt taksat në këto katër vite janë rritur në mënyrë stratosferike. Përsa i përket taksave të pushtetit vendor. Por dhe taksa e energjisë elektrike edhe taksa e pronës. Shitësi: Ne paguajnë jashtëzakonisht shumë taksa. Kryemadhi: Unë them që kjo gjë e ka datën e skadencës, 25 prill. Janë 50 ditë që na ndajnë, por 50 ditë që ne duhet të punojmë pa fund mëngjes drekë darkë. Çdo gjë që ke këtu ke pjesën e TVSH brenda. Pavarësisht se pjesën më të madhe të mallit që ta sjellin ta sjellin pa kupon tatimor, të thonë po deshe merre, po deshe mos e merr. Por ti si mund ta mbash dyqanin hapur nëse nuk ke asortimentet për ta mbajtur. Por çmimin e TVSH ti që e shet dhe ne që e blejmë e kanë brenda. Problemi është që ai atje koka lart nuk e derdh TVSH. Unë javës tjetër do të tregoj skemën sesi është vjedhur haptas me një skemë financiare të tmerrshme që menaxhohet drejtpërsëdrejti nga Edi Rama.

Kategori të tjera

    Nuk u gjeten video për këtë Kategori!

Shiko të gjitha