Presidenti i Republikës, Hashim Thaçi në një deklaratë për mediat është shprehur se është optimist se do të ketë një marrëveshje me Serbinë, ndërkohë që Haradinaj nga Vlora ka ritheksuar edhe një herë që kufijtë nuk duhet të preken.
Tema kryesore mbetet dialogu ndërmjet shtetit të Kosovës dhe Serbisë. Unë e kam thënë disa herë se është proces i vështirë. Ne duhet të bëjmë përpjekje maksimale që të shfrytëzojmë çdo mundësi që të kemi një marrëveshje historike përmes dialogut të udhëhequr nga BE-ja dhe Amerika me Serbinë.
Hashim Thaçi
Nga qyteti i Vlorës, ku edhe po zhvillon një vizitë zyrtare, kryeministri Haradinaj tha se kufijtë nuk duhet të preken.
Sot ndoshta do të jem më i kujdesshëm me prononcimn tim, relaliteti i sotëm është rezultat i atyre luftrave. Hapja e temës së kufijëve është e papranueshme. Kufijtë nuk do të preken. Gjithsesi jam pro të heqim doganën Kosovë-Shqipëri. Me këtë po e devijoj pyetjen me qëllim. Sa i përket referendumit, fatmirësisht jetojmë në demokraci por ritheksoj së kufijtë janë vendosur me luftë.