Një shqiptar i moshës 42 vjeçare është arrestuar mbrëmjen e djeshme nga Policia e Lezhës.
I arrestuari me emrin Leonardo Kovaçi dhe banues në Lezhë dyshohet për përfshirje në një organizatë kriminale si dhe për shfrytëzim prostitucioni.
Sipas policisë, 42 vjeçari ishte i shpallur në kërkim ndërkombëtar nga autoritetet italiane, pasi Gjykata e Trevizo/ Itali, në qershor 2015 ka caktuar masën e sigurisë "Arrest me burg", për veprat penale "Organizatë kriminale" dhe "Shfrytëzim prostitucioni" .
Ndërkaq, materialet hetimore i kanë kaluan Prokurorisë Pranë Gjykatës së Shkallës së Parë Lezhë për veprime të mëtejshme.