Festimet për 75 vjetorin e zbarkimit të forcave aleate në vitin 1944 në Normandi, përmes një opeacioni të madh të njohur me emrin D-Day, kanë nisur ditën e djeshme në Portsmouth, një nga portet e Britanisë së Madhe nga ku nisi operacioni i çlirimit.
Në përvjetorin e zbarkimit të trupave aleate gjatë Luftës së Dytë Botërore, u bënë bashkë Mbreteresha Elisabet, Presidenti amerikan Trump, Kryeministria Theresa May, Presidenti Macron, Kancelarja Merkel, Kryeministri kanadez dhe lider të tjerë nga e gjithë bota si dhe veteranë të betejës së madhe.
Mbreteresha Elisabet në fjalën e saj i bëri homazh heroizmit, guximit dhe sakrificave të të rënëve gjatë operacionit, operacion i cili përcaktoi fatin e botës.
Presidenti Trump pasi lexoi lutjen e Presidentit Ruzvelt ditën e zbarkimit në Normandi tha se: "Ndërsa jemi bërë bashkë për të nderuar të rënët, guximi dhe sakrifica e të cilëve në brigjet e Normandisë shënoi një pikë kthese në Luftën e Dytë Botërore, ne premtojmë se nuk do ta harrojmë kurrë borxhin që kemi ndaj tyre".
Mbreteresha Elisabet përshëndeti qindra veteran të mbledhur në Normandi për përvjetorin e operacionit më të madh ajror dhe detar në histori dhe ceremonia emotive u mbyll me eksibicione ushtarak detar dhe ajror.