Më shumë se një riorganizim, Kryeministri i ri i Britanisë së Madhe Boris Johnso, ka bërë një spastrim të vërtetë në qeveri.
Pas marrjes së detyrës nga Mbretëresha Elisabet, Johnson ka komunikuar emrat që do të jenë pjesë e Kabinetit të ri qeveritar.
Boris Johnson i ka besuar detyrat më të rëndësishme, disa prej mbështetësve më të bindur të Brexit.
Posti më delikat i takoi Sajid Javid. Ish Ministri i Brendshëm do të jetë Ministri i ri i Financave.
"Kryeministri - tha Javid menjëherë pas emërimit të tij - tashmë ka përcaktuar disa nga prioritetet e tij kryesore, duke përfshirë garancinë për të lënë Bashkimin Evropian më 31 tetor dhe duke shfrytëzuar mundësitë e mëdha ekonomike që na presin".
Euro skeptiku Dominik Raab do të zërë vendin e Jeremy Hunt si ministër i Jashtëm.
Raab kishte dhënë dorëheqjen vitin e kaluar nga qeveria e Theresa May, duke qënë kundër strategjisë së saj për Brexit.