Inter ka marrë një kualifikim dramatik në çerekfinalet e Kupës së Italisë duke mposhtur 1-2 Fiorentinën pas 120 minutash. Zikaltërit do ta zhbllokonin sfidën në minutën e 40 me Vidal që realizoi saktë një penallti, por kaq nuk do të mjaftonte për të kaluar më tej. Kjo si pasojë e Koume-s që dhuroi një perlë për të barazuar përkohësisht.
Kaq në harkun kohor të 90 minutave, ndërsa goli vendimtar do të vinte pak para se skuadrat ti drejtoheshin penalltive. Një kros i Barella-s u shfrytëzua siç duhet nga Lukaku që nuk fali me kokë.
Faza tjetër, që është gjysmëfinalja, rezervon derbin mes Interit dhe Milanit. Këta të fudnit një ditë më parë mposhtën Torinon me penallti.
Ndërkohë sonte do të luhen edhe dy sfida të tjera çerekfinale të Kupës së Italisë që janë të gjitha me tek ndeshje. Napoli i Genaro Gatusso-s do të përballet në San Paolo me Empoli-n, një kundërshtar që duket i lehtë në letër. Një ndeshje speciale edhe për Hysajn, që do përballet me të kaluarën.
Sakaq në mbrëmje Juventus do të presë në Allianz Stadium Genoa-n. Për bardhezinjtë do të jetë një ndeshje jo pa inpenjim, ndërkohë që të dielën do të jetë supersfida me Interin e vlefshme për Seria A.