Të paktën 154 persona janë arrestuar te shtunën në Paris, pas rikthimit të protestave në kryeqytetin francez, cili është përfshirë sërish nga protestat e jelekëve të verdhë. Protesta u shoqëruan nga grupe kundër mbajtjes së maskave dhe pronarët e diskotekave të detyruar të mbajnë mbyllur aktivitetet e tyre për shkak të masave të marra nga qeveria për të ndaluar përhapjen e mëtejshme të koronavirusit.
Ndërsa njëri prej kortezheve marshoi pa incidente, tjetri u përplas me policinë pasi protestuesit u vunë zjarrin kontejnerëve të mbeturinave dhe automjeteve. Një grup manifestuesish ka hyrë me forcë në zyrat e televizionit BFM Tv duke akuzuar rrjetin se është i kontrolluar dhe i manipuluar.