Mjeku Kita Sallabanda kërkoi nga institucionet shqiptare që të rrisin numrin e testimeve për të zbuluar të prekurit me COVID. Ai tha se testimet nuk shërojnë, por të ndihmojnë në marrjen e masave për parandalimin e përhapjes së sëmundjes. "Testimet nuk shërojnë, kjo është një gjë shumë e qartë, nuk bëhet politikë me testimet. Na ndihmojnë sa kemi të sëmurë dhe ku të marrim masat, na bëjnë të zbulojmë rastet. Duhet të rritet numri i testimeve, kapaciteti i gjurmimeve dhe duhet të rritet fuqishëm propaganda për ndërgjegjësimin e shoqërisë" tha ai.