Me moton “Report Tv me çdo polic përball COVID-19” televizioni ynë është solidarizuar me Policinë e Tiranës të cilët në 24 orët e punës së tyre janë po aq të ekspozuar sa dhe mjekët e frontit të parë në luftën me COVID-19.
1000 dezinfektantët e dhuruar nga ReportTv u shpërndan për patrullat "Shigjeta", ato të Rendit si dhe Sallën Operative të drejtorisë së Policisë së Tiranës.
Kreu i njësisë "Shigjeta‘‘ Krenar Gjokutaj vlerësoi këtë gjest, ndërsa i bëri apel qytetarëve të respektojnë rregullat.
Kreu i Policisë Tiranës, Rebani Jaupaj duke vlerësuar ndihmën e ReportTv u shpreh se kjo situatë do të kalohet.
Për numrin dy të policisë së Tiranës, Dhimitraq Ziu, media mbetet një partner i rëndësishëm në punën e policisë ndërsa sipas tij qytetarët duhet të mos zënë linjën 112 të policisë nëse nuk kanë një urgjencë që lidhet me situatën COVID-19.
ReportTv shpreh solidaritetin me këdo që sot është përball kësaj situate, duke pasqyruar me korrektësi dhe të vërtetat me çdo kusht përfshi edhe punën e policisë.