TIRANE- Plot 2.5 kg lëndë narkotike e dyshuar e llojit “Heroinë”, armë e fishekë kanë mundur të gjejnë forcat e policisë së Tiranës gjatë kontrollit në makinën e tyre. Të arrestuarit janë Romeo Ramadani, 32 vjeç, banues në Tiranë dhe Luan Çela, 44 vjeç, banues në Tiranë. Report Tv mëson se njëri nga të arrestuarit Luan Çela rezulton i dënuar kohë më parë në Itali për falsifikim dokumetesh.
Ndalimi i tyre siç shihet edhe në videon e shpërndarë nga Policia e Shtetit është bërë në rrugën “Kujtim Laro”. Të dy shpërndarësit lëviznin në një automjet me targë AA 821 OG. Luan Çela ishte shoferi, ndërsa pasagjer shtetasi Romeo Ramdani. Gjatë kontrollit të makinës brenda saj janë gjetur një qese brenda një kutie me 5 pako të mbështjella me natriban.
Gjithashtu dhe gjatë kontrollit të ushtruar në banesat e shtetasve Luan Çela dhe Romeo Ramadani janë gjetur përsëri një sasi e dyshuar lënde narkotike dhe municion luftarak.
Janë sekuestruar në total në cilësinë e provës materiale:
- 2.5 kg lëndë narkotike e dyshuar e llojit “Heroinë”
- Automjet
-1 shot Gun
-1 armë gjahu
- 16 fishekë arme gjahu
- dylbinj
- fishek arme zjarri kaliber 7.62 mm
- 45 fishekë manovre
Si dhe u shpall në kërkim shtetasi:
- A. D., 41 vjeç, banues në Tiranë.