Kompania farmaceutike Moderna do të aplikojë sot për përdorim emergjent të vaksinës së saj Evropë dhe në SHBA. Lajmi u bë publik nga vetë kompania, me anë të një postimi në Twitter.
Kompania e dha njoftimin pasi zbuloi se rezultatet përfundimtare të provës treguan se vaksina e saj ishte 94.1% efektive.
Kjo analizë primare pozitive konfirmon aftësinë e vaksinës sonë për të parandaluar COVID-19 me efikasitet 94.1% dhe 100% efektive në parandalimin e simptomave të rënda të sëmundjes. Ne besojmë se vaksina jonë do të sigurojë një mjet të ri dhe të fuqishëm që mund të ndryshojë rrjedhën e kësaj pandemie dhe të ndihmojë në parandalimin e sëmundjeve të rënda, shtrimet në spital dhe vdekjen ", tha Stéphane Bancel, drejtori ekzekutiv i Moderna.
Moderna do të bëhet kompania e dytë që aplikon në FDA për autorizimin e përdorimit emergjent për një vaksinë koronavirus, pasi Pfizer aplikoi më 20 nëntor me të dhëna që tregojnë njëlloj efikasitet të lartë.
Në testimet e Moderna-s janë përfshirë 30,000 njerëz në Shtetet e Bashkuara., nga të cilët vetëm 11 shfaqen problem por edhe ato të papërfillshme sipas studiuesve.
Vaksina shfaqi nivele të ngjashme të efikasitetit për njerëzit e moshuar dhe ata të grupeve të ndryshme racore.
Në provën klinike të Fazës 3 të Pfizer, vaksina u tregua e efektshme në 95%, dhe një vullnetar që mori vaksinën, zhvilloi simptoma të rënda.