Publikohen momentet e para pas atentatit ndaj prokurorit Arjan Ndoja, që ndodhej në makinë me shoferin Andi Maloku dhe personin me precedentë penalë, Aleksandër Laho, që njihet për të gjithë si Landi Muharremi nga Sukthi i përshirë në dhunimin e një biznesmeni libanez në vitin 2016. Menjëherë pasi është qëlluar me armë, makina me targë Aa33 ZD ka dalë nga rruga pranë mbikalimit të Shkozetit në Durrës. Tre persona mbetën të plagosur nga breshëria e plumbave, ku më rëndë është shoferi Andi Maloku i transportuar në spitalin e Traumës. Prokurori ka marrë dy plumba por ndodhet jashtë rrezikut për jetën në Spitalin e Durrësit së bashku me Landi Muharremin. Pas atentatit, siç shihet në këtë video të siguruar nga JOQ, të plagosurit nxirren nga makina nga persona të tjerë, të cilët i fusin në një tjetër automjet Mercedes Benz CLS, për t'i transportuar në spital. Nuk dihet nëse ata janë udhëtarë të rastësishëm apo të njohur të prokurorit dhe personave me të cilët ai shoqërohej.