SHBA- Vaksina është një shpëtim për të gjithë në këto kohë covidiane që po jetojmë, sidomos për të moshuarit të cilët janë grupmosha më e rrezikuar nga virusi.
Bob Holzman 89-vjeçari nga New Yorku, në SHBA e ka shprehur lumturinë e tij pasi mori vaksinën në një mënyrë të veçantë.
Holzman pavarësisht moshës është një adhurues i vallëzimit dhe menjëherë pas e mori dozën e vaksinës kundër COVID-19, ai iu kthye aktivitetit të tij të preferuar, kërcimit.
I moshuari nga New Yorku ka një shpirt rinor dhe deri vitin e kaluar ai nuk humbte asnjë mundësi për të kërcyer, por kur nisi pandemia dhe çdo gjë u mbyll, ai ka pritur me padurim momentin kur do të vaksinohej.
Në të gjithë botën po i jepet prioritet në vaksinim moshës së tretë pasi janë edhe grupmosha më e rrezikuar.