Një velierë është mbytur gjatë orëve të para të mëngjesit këtë të hënë në Himarë.
Mësohet se shkak për përmbytjen e Velierës e cila ishte ankoruar që në sezonin veror janë bërë erërat e forta dhe reshjet e shiut.
Veliera ndodhej e ankoruar në Portin e Himarës, ndërsa mësohet se nga erërat e forta janë këputur litarët e anijes dhe për pasojë është mbytur gjysma e saj.Veliera, e cila shërbente si anije turistike, ndodhet gjysmë në ujë.
Gjithashtu, burime për Report tv dhe Shqiptarja.com thanë se në bordin e saj fatmirësisht nuk ka patur ndonjë person në kohën që veliera është fundosur në ujë.
Ndërkohë moti i keq nuk ka shkaktuar probleme në portin e Vlorës, ku pasagjerët kanë vazhduar itenerarin e tyre normalisht.