Deputeti i opozitës Myslim Murrizi është shprehur i revoltuar në lidhje me ndryshimet ne Kodin Penal duke thënë se kjo është në shkelje të Kushtetutës, por dhe me kohën e kufizuar të fjalës së deputetëve për të gjitha çështjet që do të diskutohen gjatë seancës së sotme. Murrizi tha se ndryshimet në Kodin Penal janë arna në interes të mazhorancës, ndërsa shtoi se mund të pranohet koha e kufizuar për një çështje dhe jo për të gjitha, ndërkohë që koha duhej të ndahej sipas tij për pozitën dhe opozitën dhe jo e barabartë për çdo deputet kur pozita ka shumicën e tyre dhe kohën më të madhe për të diskutuar.