TIRANE-Ndryshohet Kushtetuta e Shqipërisë. Me 106 vota pro, nga 94 që duheshin për ndryshimet Kushtetuese, Kuvendi i Shqipërisë ka miratuar hapjen e listave. Në zgjedhjet e ardhshme parlamentare të pranverës së 2021, shqiptarët do ta zgjedhin vetë deputetin e tyre, pasi listat nuk do të jenë më të mbyllura. Por sa do të hapen listat?
Kryeministri Edi Rama sqaroi se kjo do të vendoset në Kodin Zgjedhor, nëse do të jetë 2/3 për të garantuar përfaqësimin gjinor sikur kërkon PS-ja apo 100% sikur do opozita. Për këtë kreu i qeverisë u shpreh i hapur për dakordësi. Kundër hapjes së listave votuan vëtëm 10 deputetë; Artur Roshi, Adriatik Alimadhi, Gjetan Gjetani, Kujtim Gjuzi, Fatjona Dhimitri, Lefter Maliqi, Zef Shtjefni, Suzana Topi, Erjon Piciri dhe Elda Hoti.