Gjatë orarit të lejuar të lëvizjes së këmbësoreve në qytetin e Korçës vihen re lëvizje normale të qytetarëve, të cilët kryesisht kanë dalë për një arsye nga shtëpitë e tyre. Ata janë drejtuar për tek supermarketet, furrat e bukës, farmacitë, bankat apo tek pikat e operatorëve telefonikë. Pranë këtyre subjekteve gjen qytetare të cilët presin në radhë dhe të ndërgjegjësuar individualisht ata ruajnë distancën e sigurisë. Korça çdo ditë e më shumë po shfaq reflektim për situatën në lidhje me COVID-19.