Nesër mblidhet Kuvendi me maska dhe doreza, Ruçi rrëzon 2 kërkesat e opozitës (Debat online)

29 Prill 2020, 16:50

TIRANE-Nesër do të zhvillohet seanca e radhës në Kuvend, do të jetë e treta me masat mbrojtëse, maska, doreza dhe disntancim social. Sot është zhvilluar online Konferenca e Kryetarëve, e cila nuk ka kaluar pa debate mes shumicës dhe opozitës. Kryetarja e grupit Demokrat në Kuvend, Rudina Hajdari kishte dy kërkesa, që opozita të kishte më shumë kohë për të folur dhe që në rendin e ditës të kishte më pak projektligje, pra që fokusi të ishte vetëm te situata e krijuar nga COVID-i. Por të dyja kërkesa janë rrëzuar,pasi kryetari i Kuvendit nuk i ka pranuar.