Pas tërmetit të fuqishëm 5.8 ballë i shkallës Rihter, Durrësi është qyteti më i prekur nga dëmet, pasi aty ishte edhe epiqendra.
Pas urdhërit të kryeministrit të vendit Edi Rama, mësohet se ka nisur vendosja e çadrave dhe shtretëve në stadiumin “Niko Dovana”.
Aty do të vendosen banorët më të prekur nga tërmeti.
Nga qyteti bregdetar raportohet se ka një sërë ndërtesash të dëmtuara, të cilat nuk janë më të banueshme.
Kreu i qeverisë u kërkoi grupeve të punës të takohen me njerëzit, t’i qetësojnë dhe të marrin shënim të gjitha dëmet që mund të kenë.