Prodhimi i shalqirit këtë vit është i mbarë, por fermerët e Divjakës që janë prodhuesit më të mëdhenj në vend thonë se mungesa e tregut ka bërë që çmimi të bie nën kosto. Në Divjakë aktualisht shalqiri shitet me 12 lek për kg, pavarësisht se në tregjet të tjera e gjen shumë më shtrenjtë.
Fermerët shfrytëzojnë elementet teknike për të dalë të parët në treg me kulturën e bostanoreve dhe kryesisht të shalqirit. Këtë vit, prodhimi është i bollshëm dhe cilësia e mirë, por fermerët përballen me vështirësinë e tregtimit.