LEZHË- Një sherr masiv ka ndodhur në plazhin e Shëngjinit ditën e djeshme. Si pasojë policia e Shtetit ka proceduar në gjendje të lirë B.P., E.P., B.A., I.P.,E.P., dhe B.A.. Sipas policisë i gjithë sherri ka ndodhur për motive të dobëta dhe më pas ka degjeneruar deri në përdorimin e grushteve e sendeve të forta.
Disa prej personave të përfshirë në sherr kanë qenë pushues nga Kosova si dhe disa gra. Edhe pse forcat e policisë kanë qenë të pranishme, situata ka dalë sërish nga kontrolli.
Të proceduarit do të përballen me akuzat për veprat penale "Dëmtime të tjera me dashje" dhe "Prishja e rendit dhe qetësisë publike".