Ekipi kampion në fuqi, Tirana, është dënuar nga FIFA me bllokimin e merkatos për shkak se ka humbur gjyqin për pagat e prapambetura me futbollistin Moktar Cise.
Futbollisti nga Mali, që ka luajtur me bardheblutë në sezonin 2016-2017, pretendonte se nuk ishte paguar nga Tirana sipas kontratës, ndërsa tani FIFA i ka dhënë të drejtë 27-vjeçarit. Në këto kushte Tiranës i duhet të bëjë një marrëveshje me Cise-n në rast se kërkon këtë janar të bëjë goditje në merkato.