Asgjë nuk ka mbetur hotel Miramare në Durrës, përveç gërmadhave. Në pamjet ekskluzive me dron që Report Tv sjell, shihet se si kjo godinë është rrënuar totalisht, duke lënë poshtë rrënojave të saj 2 viktima, një vajzë të re që punonte balerinë dhe një barist. Teksa mbi këto rrënoja një natë më parë u vu flamuri shqiptar, në përkujtim edhe të ditës së flamurit, ekipiet e kërkim shpëtimit kanë vijuar edhe këtë të premte kërkimet pasi një qen nuhatës dha shenja për praninë e një trupi tjetër nën rrënoja. Tashmë kanë mbetur vetëm inerte që e bëjnë të vështirë punën për trupat e kërkim shpëtimit edhe të vendeve partnere, malazeze e italiane që u përfshinë në zonën e Plazhit në hotel Miramare.
Nga 2 kate në 2007-ën, në 2018-ën ky hotel ishte kthyer në gjashtë kate mbi të njëjtat themele. Abuzime të njohura në Shqipëri, që mund të kishin shamngur tragjedinë dhe marrjen e dy jetëve rrën rrënojat e kësaj godine.