Përfshihet nga flakët një pyll në Elbasan, rrezikohen banesat

22 Prill 2019, 20:30

Një sipërfaqe e madhe me pisha është përfshirë nga flakët në Elbasan. Zjarri mësohet se ka rënë në një pyllë në fshatin Mengël të Elbasanit.

Përmasat e flakëve janë të mëdha ndërsa pranë vatrës ka banesa ku mund të rrezikohen edhe jetë njerëzish.

Dyshohet se zjarri është vënë qëllimisht nga persona ende të pa identifikuar. Ndërkohë zjarrfikësit janë nisur drejt vendit ku ka rënë zjarri por ka vështirësi për të ndërhyrë me autobotet për shkak të terrenit. Ata pritet që të veprojnë duke shkuar në këmbë drejt vatrës ku ka rënë zjarri.