Sali Berisha ka komentuar përplasjet Evi Kokalari dhe Belind Këlliçi. Berisha thotë se nuk është dakord me lobimet e votës, por kjo gjë nuk ndalohet pasi ndodh në të gjitha partitë demokratike.
“Lobimi është problem në çdo proces zgjedhor, është një problem dhe vetëkuptohet si kryetar partie është një proces për mua shumë i papëlqyeshëm por të garantoj që kudo që unë kam parë votime në PD, kam parë edhe lobimi. Kjo është e vërteta. Nuk ka patur proces më transparent sesa zgjedhja e kryesisë, po kaq transparent do jetë edhe zgjedhja e nënkryetarëve e sekretarit të përgjithshëm dhe sekretariateve. Lobimi nuk më pëlqen por të them që mund ta ndaloj me gjithë dëshirën që do kisha e konsideroj të pamundur”, tha Berisha.
Kujtojmë që Evi Kokalari akuzoi Belind Këlliçin për lobim dhe manipulim votash në zgjedhjet për anëtarët e Këshillit Kombëtar të PD-së.