Ashtu siç e kemi parë edhe në rrjetet sociale, Kristina Baki është pjesë e filmit ‘Falco’ të aktorit të humorit Bes Kallaku. Modelja tregon në ‘Rreze Dielli’ se si u bë pjesë e komedisë.
“Ftesa më ka ardhur nga regjisori i filmit Eduart Grishaj, unë kam patur një projekt me të më përpara, na e sugjeroi dhe mua dhe Besit,a i mendoi që roli më përshtatej. Unë jam bashkëshortja e Arben Derhemit në film, kam një rol jo shumë të madh, por është një eksperiencë interesante. Pjesa që më pëlqen më shumë është dasma, ishte pjesa ku shkrihesha duke qeshur pasi kishte shumë batuta. Mezor pop res që të dalë filmi që të shoh edhe pjesën që nuk kam qenë pjesë. Dhe për mua ishte kënaqësi të merrja pjesë në një film me kaq shumë artistë të njohur dhe personazhe të njohura të show-bizit. Do kisha shumë qejf të marr sërish pjesë në një film tjetër, ku të kem një rol edhe më aktiv”, shprehet Kristina Baki.
Në ‘Rreze Dielli” Kristina ka pohuar gjithashtu që ka patur ftesa për të qenë pjesë e televizionit, por ka sqaruar se do të pranonte të ishte pjesë vetëm e spektakteve që zgjasin disa ditë.