T’i japësh një filmi gjuhën artistike, duke e bërë të flasë me metafora dhe simbole të prekshme nga të gjithë popujt e botës, do të ishte një nga arritjet më të mëdha të filmit shqiptar.
Pluton Vasi u shpall si fitues i çmimit ‘Regjisori më i mirë’ me filmin artistik “Ndërkombëtarët” në Festivalin Ndërkombëtar të Filmit në Londër (London International Film Fest”)
Filmi “Ndërkombëtarët” u ngrit mbi skenarin e romanit me të njëjtin titull të shkrimtarit të njohur Ylljet Aliçka.
Me producente Vjollca Dedein, ky film ishte nominuar në tri kategori kryesore: “Skenari më i mirë”, “Regjia më e mirë” dhe “Filmi më i mirë në gjuhë të huaj”. Këtë herë fitoi regjisori Pluton Vasi, i cili ka xhiruar filmin me një kast aktorësh të zgjedhur shqiptarë si Eni Shehu, Kastriot Çaushi, Hervin Çuli, Rovena Lule, Karafil Shena, Indri Shiroka, Alert Çeloaliaj, Alfred Trebicka, Lulzim Zeqja, Erjona Kakeli, Adele Gjoka, Mehdi Malkaj, Ardian Cerga, Albana Sancolli, Sara Kolami, etj.